"Әбиләргә ни җитми? спектакле

автор, 1 апрель 2021 - 11:14

1008

31нче март көнне Югары Шытсу мәдәният йортында мәдәният ветераннары Ф.Бүләковның “Әбиләргә ни җитми” пьесасы буенча спектакль тәкъдим иттеләр. Артистлар өлкәннәрнең характерын, теләкләрен, хыялларын бик яхшы күрсәттеләр. Алар көлкеле мизгелләрне дә, пьесаның тирән мәгънәсен дә ачып бирделәр. Сюжет буенча өлкәннәр үзләренең мәхәббәтләрен эзлиләр, күңелләре белән яшьлектәге егет – кызлар булып калалар.

Шул ук вакытта тормыш мәгънәсен дә эзләү бара. Тамашачылар артистларның уенын бик җылы кабул иттеләр, спектакльнең беренче минутларыннан ук геройларны алкышларга күмделәр.