Казанда Татарстан Республикасы Дәүләт Советы каршындагы Яшьләр Парламентының өченче утырышы узды

   Казанда Татарстан Республикасы Дәүләт Советы каршындагы Яшьләр Парламентының өченче утырышы узды, анда социаль әһәмияткә ия республика законнарына үзгәрешләр кертү буенча тәкъдимнәр каралды. Утырышта Саба районы вәкиле һәм ТР Дәүләт Советы каршындагы Яшьләр парламенты әгъзасы Айнур Хәлиев катнашты.
   Тәкъдимнәрне карап, Яшьләр парламенты әгъзалары республика шәһәрләрендә җәмәгать урыннарында күп балалы гаиләләр өчен махсус парковка урыннары булмауга игътибар иттеләр. Түләүле парковкаларның гамәлдәге кагыйдәләре күп балалы гаиләләр өчен ташламаларны күздә тотмый, бу өстәмә чыгымнарга яки уңайсыз урыннарда мәҗбүри парковкага китерә. Шуңа бәйле рәвештә, парламентарийлар күп балалы гаиләләргә түләүле паркинг зоналарында транспорт чараларын бушлай урнаштыру хокукын бирергә тәкъдим иттеләр.
    Моннан тыш, яшьләр парламенты әгъзалары карала торган законга яңа туган сабыйлар өчен бүләк җыелмаларын бер мәртәбә бирү турында пункт өстәргә тәкъдим иттелде.
    Яшьләр парламенты карары буенча барлык каралган тәкъдимнәр Дәүләт Советының Социаль сәясәт комитетына җибәрелде.

   Яшьләр үзәге «Яшьлек» сайтыннан алынды