Көн таләбе – сугару
Көннәрнең коры һәм эссе торуы авыл хуҗалыгында ясалма сугаруның әһәмиятен арттырды. Хәзерге вакытта күпьеллык һәм берьеллык үләннәргә су сибү “Саба” җәмгыятенең Сатыш, Кибәче, Килдебәк бригадаларында, “Шытсу” авыл хуҗалыгы предприятиесендә, Явлаштау бүлекчәсендә оештырылган. Барысы 400гә якын гектар мәйданнар дым ала. Агрегатлар нигездә иртәнге якта һәм кичен көн сүрелгәч эшләтелә.
Сатышта Рафил Фәрхуллин – 110, Кибәчедә Исмәгыйль Шәрифуллин 74 гектардагы үләннәргә су сибә. “Явлаштау” бүлекчәсендә 30 гектарга якын көзге арыш культурасы да сугарылды. Ясалма яңгырдан соң үләннәр күзгә күренеп үсә. Шулай ук “Туган як”та, Мичән бригадасында да сугару агрегатлары эшләтеп җибәреләчәк.
Фото: архив/Фәнил Мәүлетов
Следите за самым важным и интересным в Telegram-каналеТатмедиа
Нет комментариев