Көзге чакырылыш старт алды

   Ул 31 декабрьгә кадәр дәвам итәчәк. Хәрби комиссариатыннан алынган мәгълүматларга караганда, бу чакырылышта Саба һәм Теләче районнарыннан 50гә якын егет солдат формасы кияр дип көтелә. Көзге чакырылыш кампаниясе хәрби хисап бердәм реестрының Дәүләт мәгълүмати системасын кулланып үткәреләчәк, ягъни повесткалар электрон рәвештә юлланачак. Бу хактагы уведомление чакырылышның дәүләт хезмәтләре порталындагы шәхси кабинетына җибәреләчәк. Хәзерге вакытта армиягә алыну яшенә җиткән егетләр медицина тикшерүе үтәләр.