Олы Кибәче авылында өлкәннәрне хөрмәтләделәр

7октябрь көнне Олы Кибәче авыл клубында Өлкәннәр көненә багышланган чара үткәрелде. Чараның максаты -өлкән буынга рәхмәт һәм ихтирам хисләрен белдерү, алар өчен кайгыртучанлык һәм игътибар атмосферасы тудыру. Чараның программасына концерт номерлары, кызыклы кешеләр белән очрашулар һәм өлкән яшьтәге волонтерларга рәхмәт хатлары тапшыру кертелгән иде. Бәйрәмдә катнашучыларны Олы Кибәче авыл җирлеге башлыгы Айрат Сафин сәламләде һәм һәркемгә тирән ихтирам хисләрен белдереп, нык сәламәтлек, күңел тынычлыгы, озын гомер теләде.