Районыбыз фельдшерлары өчен семинар-киңәшмә узды

  Район үзәк хастаханәсендә  фельдшер-акушерлык пунктлары фельдшерлары һәм аларның ярдәмчеләре өчен айлык семинар-җыелыш узды. Катнашучылар беренчел дәрәҗәдәге медицина учреждениеләре эшенең нәтиҗәлелеген арттыруга һәм хезмәткәрләрнең һөнәри әзерлеген камилләштерүгә юнәлдерелгән мөһим мәсьәләләр буенча фикер алыштылар.
Семинарда төрле юнәлештәге белгечләр чыгыш ясады:
Эпидемиолог-табиб Резеда Фәттахова районда йогышлы авырулар белән бәйле вәзгыятьне җентекләп яктыртты, сезонлы грипп авыруларын, кискен респиратор вируслы инфекцияләрне һәм үпкә ялкынсынуларын профилактикалауга аерым игътибар бирде, халыкны массакүләм Иммунизацияләүнең заманча методикалары турында мәгълүмат белән уртаклашты.
ЦТ буенча баш табиб урынбасары Фәридә Галимуллина тугыз айлык диспансеризация планын үтәү темасына кагылды, Татарстан Республикасының Электрон сәламәтлек саклау дәүләт мәгълүмат системасына диспансеризация узу турындагы мәгълүматларны керткәндә еш очрый торган проблемаларны тикшерде. 
Табиб-эндокринолог Инзилә Зарипова  II типтагы шикәр диабетын диагностикалау һәм дәвалауның актуаль мәсьәләләренә багышланган мәгълүмати доклад белән чыгыш ясады, авыруларга туклану һәм яшәү рәвеше буенча консультация бирү кагыйдәләре буенча тәфсилле инструктаж үткәрде.