Районыбызда Яңа ел ялларында нинди бәйрәм чаралары үтәчәк?

  30 декабрь көнне Саба мәдәният йортында  19:00 сәгатьтә  «Яңа елда- серле шәраб» дип исемләнгән театраль тамаша күрсәтеләчәк, тамашачылар белән бүләкләр уйнатылачак. 30-31 декабрь көнне бәйрәм кичәләре авыл клубларында да узачак. 31 декабрь көнне  19:00-22:00  сәгатьләрдә Сабаның  Үзәк чыршысы янында  бәйрәм концерты  күрсәтеләчәк, уеннар оештырылачак. 1 гыйнвар көнне төнге 1:00 дән иртәнге 4:00кә кадәр  мәйданда бәйрәм дискотекасы, шул үк көнне кич мәйданда кабат бәйрәм чарасы һәм кызыклы уеннар  оештырыла. 2-8 гыйнвар көннәрендә үзәк мәйданда көндезге сәгать 13:00дә- балалар, кич 20:00 сәгатьтә олылар өчен төрле күңел ачу чаралары, уен-конкурслар  оештырыла. Мәйданга рәхим итегез, дуслар!