Сабада тротуарларны төзекләндерү эшләре төгәлләнү алдында

  Район хакимиятенең төзелеш бүлеге Сабада җәяүлеләр юлларын төзү һәм яңарту программасының уңышлы гамәлгә ашырылуын хәбәр итә. Тротуарларны төзекләндерү эшләре быелның сентябрендә башланган иде. Гомуми озынлыгы 1852 метр тәшкил иткән юлларның: иске брусчатканы демонтажлау эшләре башкарылган- тузган һәм яраксыз хәлгә килгән юл өслеге тулысынча җыештырылган, бетон тротуарда иске өслек урынына яңа, нык һәм тигез бетон өслек җәелгән.

 Тротуарларның ныклыгын һәм ышанычлылыгын тәэмин итү өчен сыйфатлы материал — 400 маркалы бетон кулланылган, бу, үз чиратында, конструкциянең ныклыгын һәм интенсив йөкләнешләргә һәм тышкы мохит йогынтысына чыдамлыгын гарантияли. Җәяүлеләр йөри торган юллар Г. Закиров, М. Җәлил, Вахитов, Татарстан, З. Йосыпов урамнарында башкарылган.