Сабалылар мошенниклар тозагына эләккән

  Күп тапкыр  кисәтүләргә  карамастан,  районда  мошенниклар тозагына  кабучылар кимеми. Әле шушы  көннәрдә генә  кемлеге ачыкланмаган кеше, Байлар Сабасында  яшәүче ирле-хатынлы Т.ларның  ышанычын  яулап,  аларның ике  банк  счетындагы  167690  сум акчасын урлаган. Әлеге факт буенча җинаять эше кузгатылды. Мошенникларны  по­ли­ция көче белән генә туктатып бул­мый әлбәттә. Гражданнарның үз­ләреннән саклык, игътибарлы­лык таләп ителә. Телефоныгызга шикле шалтыратулар яки СМС хәбәрләр килсә, телефонны алып сөйләшмәгез, җавап язмагыз, килгән СМСта күрсәтелгән сумманы күчермәгез. Исегездән чыгармагыз, бушлай сыр тычкан тәбесендә генә була.

Диләрә Кәримова,

район эчке эшләр  бүлеге штаб начальнигы.