Сабантуй-милләт бизәге

Сабантуйлар килде әйләнеп,

Хатирәләр белән бәйләнеп.

Сабан тургайлары  җыр суза,

Бу гомерләр бигрәк тиз уза.

Бәйрәм рухы белән яшәреп,

Ел үткәнне сизми яшәдек.

Яшел келәм  күмде кырларны –

Игенчегә юллыйк  җырларны.

Без көрәшле халык, хезмәтле,

Хезмәт белән яулап хөрмәтне.

Тырыш халкым мәйдан  түрендә

– ­Куанычлар хисе күңелдә.

Сабантуйлар килде җиһанга,

Уен-көлке, җыр-моң, нур анда!

Мәйдан күрке– көрәш, бил алыш,

Батырларны әйди бу ярыш.

 Келәмнәрдә уйный  сөлгеләр,

Әйтерсең лә көмеш сөңгеләр.

Мәйдан кыза – олы тамаша,

Бу ямьнәрдән күзләр камаша.

Сабантуйлар – милләт бизәге,

Колач җәеп илләр гизә ул.

Илем-җирем торса ямьләнеп,

Сабантуйлар килер әйләнеп.

Фәридә Вилданова.

Фотода: Сабаның Киров урамында бирнә җыю күренеше

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен