Саба таңнары
  • Тат Рус Лат
  • Андрей Каргинов экипажы «Дакар» раллиенда рәттән дүртенче этапта җиңде

    Марафонның тугызынчы этабы Вада-әл-Давасир—Харад юлы буенча узды.

    Андрей Каргинов җитәкчелегендәге «КАМАЗ-Мастер» командасы экипажы «Дакар» ралли-рейдының тугызынчы этабында җиңү яулады. Бу хакта ТАСС хәбәр итә.

    Экипаж юлны 3 сәгать 33 минут 42 секунд эчендә узды. Махсус участокның озынлыгы 410 км тәшкил итте. Ул Вада-әл-Давасир һәм Харад шәһәрләре арасыннан узды.

    Икенче урынны белорус Сергей Вязович экипажы (+3.19), ә өченче урынны «КАМАЗ-Мастер»ның тагын бер вәкиле Эдуард Николаев (+9.24) яулады.

    Искәртеп үтәбез, җомга көнне Николаев гомуми зачеттан төшеп калды, әмма марафонда катнашуны дәвам итте.

    «Каргинов өчен бу җиңү быелгы «Дакар»да тоташтан дүртенче һәм тулаем алганда бишенче җиңү булды», — дип билгеләп үтелә басмада.

    Фото: kamazmaster.ru

    Чыганак: tatar-inform.tatar

    Нравится
    Поделиться:
    Реклама
    Комментарии (0)
    Осталось символов: