ӨЛКӘННӘР КУАНЫЧЫ

автор, 7 ноябрь 2012 - 05:34

856

Республика Хөкүмәтенең ялгыз яшәүче өлкәннәргә булдырылган "Мәрхәмәтле телефон" акциясен башкача атап та булмый.

Хөкүмәтебез җитәкчелегенең бу гамәлен бер генә сүз белән - өлкәннәребезгә күрсәтелә торган мәрхәмәтле, игелекле игътибар дип кенә бәяләргә мөмкин.

1 ноябрь көнне районыбыздагы ялгыз яшәүче 23 өлкән кешегә "Мәрхәмәтле телефон"нар тапшырылды. Өлкәннәрне район социаль яклау идарәсе начальнигы Марсель Хуҗин һәм "Балкыш" үзәге җитәкчесе Рөстәм Равилин куандырды. Телефонның беренчесе Сабада Төзүчеләр урамында яшәүче туксан яшьлек тыл һәм хезмәт ветераны Оркыя апа Моталлиповага бирелде. Ул хезмәт елларында банкта эшләгән. Балалары Казан, Калуга, Севастополь шәһәрләрендә яшиләр. "Кызларым Наилә, Рәвилә, улым Фәрит гел кайтып, хәлемне белеп торалар. Гомер иткән җиремнән аерылып, читкә китәсем килми. Сабада да әйбәт яшим. Социаль хезмәткәрем Айсылу Сөнгатуллина бар эшемдә булыша. Шәфкать туташы Гөлнара Нуриева көн аралаш килеп, сәламәтлегемне тикшереп тора. Барыгызга да зур рәхмәт",- диде, нинди ният белән килүебезне әйткәч.

(Дәвамын газета битләреннән укый аласыз)