Призерлар – көллият укучылары

Казан дәүләт аграр университетында Татарстан Республикасы югары һөнәри белем учреждениеләре укучылары арасында «Яшь фермер» IV интеллектуаль уенның төбәк этабы уздырылды. Уен укучыларда авыл хуҗалыгы тармагында бизнес-планнар төзү, мәгълүмат җыю һәм анализлау, идарә итү мәсьәләләрен хәл итү һәм командада эшләү күнекмәләрен үстерү максатларында үткәрелде. Һөнәри белем бирү учреждениеләре арасында Саба аграр көллиятеннән Ләйсән Бикмөхәммәтова һәм Галия Ганиева «120 ояга исәпләнгән умартачылык» проекты белән 3нче урынны алдылар.