Һәр килограммы исәптә

10 августта безнең районда "Тимершык" филиалының Кызыл Мишә бүлекчәсендә булдылар. Робот белән сөт саву станциясе эшчәнлеге белән танышкач, хуҗалык җитәкчеләре һәм авыл җирлекләре башлыклары белән очраштылар.

Фәрит Мөхәммәтшин сүзен:

- Районда алып барыла торган яңа төзелешләрегез куандыра. Хәтерлим, терлекчелектә сөтүткәргечләр, аннары саву заллы сөтчелек комплекслары, быел робот белән саву станциясе, гомумән алганда, барысы да яңалык буларак республикада беренчеләрдән булып сезнең районда кертелде, - дип башлады. Аннары елның үзенчәлекләренә тукталып, урып-җыю эшләренең республикадагы торышы белән таныштырды. "Быел ашлыкның һәр килограммы исәптә, кырдагы уңышны югалтусыз, сыйфатлы итеп җыйнап алырга кирәк. 20 августка кадәр республикада урып-җыю эшләрен төгәлләп, 3 миллион 500 тонна ашлык җыйнап алырга исәп тотабыз",- диде спикер бүгенге вәзгыятьне аңлатып.

(Дәвамын газета битләрендә укый аласыз)

Г.Галимуллина.

Р.Исмәгыйлов фотосы.