Шәмәрдәндә программа нигезендә бер фатирлы яңа йортлар төзелә башлады

  Шәмәрдән авылында яңа торак квартал төзелеше югары темплар белән дәвам итә. Хәзерге вакытта белгечләр фундамент эшләрен тулысынча төгәлләп, биналарның төп контурын формалаштыруга күчтеләр.

Төзелеш мәйданнарында актив эш кайный:

• Тышкы һәм эчке диварларны салу дәвам итә.
• Фронтоннар формалаша — булачак түбәнең стропиль системасын монтажлауга әзерлек ахырына якынлаша.

  Бу объектлар Авыл территорияләрен комплекслы үстерү (КРСТ) программасы кысаларында сафка баса. Әлеге федераль программа гамәлгә ашырылу районда яшәү өчен заманча, уңайлы һәм куркынычсыз шартлар тудырырга мөмкинлек бирә. Нәтиҗәдә барлыкка киләчәк иркен фатирлы йортлар яшь гаиләләр һәм тормышларын авыл белән бәйләргә теләүчеләр өчен менә дигән старт мәйданчыгына әйләнәчәк. Бу торак пунктның демографик хәлен яхшыртуга һәм аның социаль инфраструктурасын үстерүгә этәргеч булып тора.