Татарстанда көчле җил һәм бозлавык көтелә

Бүген, 15 апрельдә, кич, шулай ук иртәгә, 16 апрельдә төнлә һәм көндез Татарстан территориясендә көньяк-көнбатыштан көчле җил көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Җилнең тизлеге секундына 15-20 метр, ә урыны белән 23 метрга кадәр җитәчәк. Көндез җилнең тизлеге секундына 15-18 метр булыр, дип көтелә. Казанда төнлә җил секундына 15-20 метр, ә көндез 16 метрга кадәр тизлек белән исәчәк.

Моннан тыш, иртәгә төнлә һәм иртән Татарстанның көнбатыш районнары юлларында урыны белән бозлавык булырга мөмкин.

Чыганак: tatar-inform.tatar