ИМИНЛЕК – ҮЗЕБЕЗНЕҢ КУЛДА

Йорт хуҗаларының янгынны соңлап ачыклавы сәбәпле  (иртәнге сәгать булуы, күпчелек кеше йоклый)  янгын подраз­делениеләренең машиналары кил­гәндә  ут йортның бөтен мәйданнарын  ка­мап алган була. Нәтиҗәдә йорт тулы­сынча янып бетә. Әлегә янгынның сәбәпләре ачыклана.  Быел районда  теркәлгән янгыннарның күпчелеге җылыту мичләренең  төтенүт­кәргечләрендәге җитешсезлекләр, ягу һәм электр мичләрен куллануда янгын куркынычсызлыгы кагыйдәләренең үтәл­мәвеннән һәм электротехник сәбәпләр­ белән бәйле. Беренче очракта  шушыларга игътибар итәргә кирәк! Шулай ук янгыннарга китерүче  элементар   куркынычсызлык  таләпләре турында онытырга ярамый. Янгын сүндерүдә беренчел чара – утсүндергеч (огнетушитель) икәнлеген истән чыгармыйк! Янгынны кеше үзе  бары тик    утның башлангычында, ялкын телләре  таралганчы гына сүндерергә мөмкин. Шулай ук  үз хуҗалыкларында беренчел  янгын  сүндерү җайланмалары булдыруга,  ян­гын турында автомат хәбәр иткечләр урнаштыруга җитди карасыннар иде. Карактан кала, уттан юк икәнлеген истән чыгармыйк! Безнең иминлек – үзебезнең кулда.

Айнур Галимуллин,

 Саба һәм Теләче районнарының  янгыннар күзәтчелеге буенча баш дәүләт инспекторы.