Россия төбәкләрендә бер төн эчендә 330 пилотсыз очкыч бәреп төшерелгән

   Узган төндә ПВО чаралары Россия төбәкләре өстеннән очкыч тибындагы 330 Украина пилотсыз очу аппаратларын бәреп төшерде, дип хәбәр иттеләр Оборона министрлыгында.

   Әйтик, Краснодарда пилотсыз очкыч ватыклары күп фатирлы йортка эләгеп янгын чыккан. Бу хакта Кубань губернаторы Вениамин Кондратьев хәбәр итте. Ике кеше зыян күргән, аларга ярдәм күрсәтелә. Шулай ук төнлә һөҗүмгә Северский районы дучар булган-шәхси йортлар зыян күргән, бер зыян күрүче бар. Афипское бистәсендә БПЛА калдыклары НПЗ территориясендә янгын чыгарган. Бөтен яклап пилотсыз очкыч куркынычы режимы гамәлдә.

Исегезгә төшерәбез, алдагы төндә ПВО чаралары Россия төбәкләре өстеннән очкыч тибындагы 326 Украина пилотсыз очу аппаратларын тотып алдылар һәм юк иттеләр. Дроннар шул исәптән Татарстан белән күрше өлкәләрдә — Ульяновск һәм Самара өлкәләрендә дә юк ителгән.

Ким дигәндә Россиянең 14 төбәгендә 10 июньдә иртәнге вакытта ракета куркынычы турында игълан иттеләр, шул исәптән Татарстанда. Президентның УРФОдагы тулы  вәкаләтле вәкиле мәгълүматлары буенча, режимны бөтен округ территориясендә игълан иткәннәр.

Казанда 5:30 дан 7:00 гә кадәр  дүрт тапкыр һава тревогасы турында кисәтү белән сиреналар яңгырады, ә Татарстанның сигез эре шәһәрендә БПЛА һөҗүме янавын игълан иттеләр, республиканың үзендә — «ракета куркынычы» игълан ителде. Шул ук вакытта Татарстан белән күрше Чувашиядә Чебоксар ракета һөҗүменә дучар булды. Бу хакта республика башлыгы Олег Николаев хәбәр итте.

Соңрак Чувашия хакимияте өч зыян күрүче турында хәбәр итә. Самара өлкәсендә берничә дистә БПЛА һөҗүме вакытында тагын өч кеше зыян күргән. 

Чыганак: «Реальное время»

Фото: Татар информ