Саба муниципаль районы башлыгы Рәис Миңнеханов медаль белән бүләкләнде

Кичә Татарстан Республикасы муниципаль берәмлекләр Советы Рәисе Әгъзам Гобәйдуллин тантаналы шартларда республика районнары башлыкларына Бөтенроссия җирле үзидарәне үстерү ассоциациясе (БҖҮҮА) бүләкләрен тапшырды.

Җирле үзидарәне үстерүгә керткән зур өлеше һәм муниципаль инициативаларны нәтиҗәле гамәлгә ашырганы өчен БҖҮҮА медальләре белән бүләкләнде

Саба муниципаль районы Башлыгы Рәис Миңнеханов;
Теләче муниципаль районы Башлыгы Айрат Фәтхуллин.

Әгъзам Гобәйдуллин бүләкләнгән җитәкчеләргә Татарстан Республикасы һәм Россия Федерациясе файдасына намуслы хезмәтләре өчен ТР муниципаль берәмлекләре Советы һәм ассоциация исеменнән рәхмәт белдерде.