Кытайда әти-әниләре үлеп 4 ел үткәч, бала туган

Ир белән хатын түлсезлектән дәваланган була, 4 эмбрион әзер булган. Әмма Лю Сига аны күчереп утыртырга өлгермиләр.

Балалары һәлак булганнан соң, аларның әти-әниләре эмбрионнарны мирас итеп рәсмиләштерер өчен суд юлын таптый башлый.

Булачак картәти-картәниләр судларны җиңә һәм Лаоста сабыйны тудырыр өчен суррогат әни табалар. (Кытайда суррогат әниләр хезмәте тыелган). Узган елның декабрь аенда, әти-әниләренең үлеменә 4 ел да 8 ай вакыт үткәннән соң, Тяньтянь исемле малай дөньяга килә. Кытайның мандарин диалектында аның исеме “татлы, сөекле” дигәнне аңлата.

“Ул гел елмаеп тора. Күзләре нәкъ әнисенеке кебек, әмма ул күбрәк картәтисенә охшаган”, - ди Тяньтяньнең бер картәнисе. Шэнь Цзеның әтисе сүзләре буенча, алар оныкларын дүртәүләп үстерергә җыена. Ә әти-әниләре хакында Тяньтянь үскәч сөйләргә планлаштыралар. Ә малай кечкенә чакта әти-әниләре чит илдә дип әйтәчәкләр.

Фото: https://pixabay.com | rawpixel

http://omet-rb.ru