Артур Салиховның кулы сынган [+фото]

автор, 30 апрель 2016 - 06:35

1033

Чаллы егете Артур Салихов футбол уйнаганда егылып уң кулын сындырган.

Хәзерге вакытта җырчының кулы гипста, әмма Артур тик ятарга җыенмый, мәҗлесләр алып баруын дәвам итәчәк.

"Егетләр белән һәр дүшәмбе мәктәп спортзалына футбол уйнарга йөрибез. Кинәт егылып кул чугына таяндым, нәтиҗәдә кулым сынды. Табиблар бер айлап гипс белән йөрергә кушса да, мәҗлесләр алып барганда, гипсны салып торасы булыр, ахрысы, чөнки күлмәк-костюм кигәндә комачаулый. Гипслы кул белән мәҗлес алып барган тамаданы күргәнем юк иде әле", дип сөйләде Intertat.ru хәбәрчесенә Артур Салихов.