Фатир баскан ир биш елга ирегеннән мәхрүм ителде

Зәй шәһәр суды 44 яшьлек зәйлегә карата бер фатирга кереп әйберләр урлаган өчен хөкем карары чыгарды.

Тикшерүләр барышында әлеге ир-атның төнлә белән балкон аша фатирларга кереп, 2 очракта әйберләр урлавы ачыкланды. Матди зыян бер очракта - 7 мең 82 сум, икенче очракта -1 мең 890 сум белән исәпләнә. Гаепләнүче үз гаебен тулысынча таныды. Суд аңа 5 елга ирегеннән мәхрүм итү карары чыгарды. Әлегә хөкем карары үз көченә кермәгән, дип белдерә "Зәй офыклары" газетасы.

Татар-информ