Вакытында түләмәүчеләргә – пеня

Салымнар түләү торышы буенча Саба районы республиканың уртача күрсәткечләреннән югары нәтиҗәләргә иреште. Аерым алганда, 10 декабрьгә транспорт салымын физик затларның 83,7 проценты, милек салымын - 95,4, җир салымын 87,5 проценты түләде. Шушы процентлар эченә керми калган физик затларга пеня исәпләнә башлады һәм ул көн дә арта барачак. Шуңа күрә 1 декабрьгә кадәр өлгермәгәннәргә дә салымнары мөмкин кадәр тизрәк арада түләргә кирәк. Көтелгән яңалыкларга килгәндә, 2017 елның 1 гыйнварыннан пенсия фондына иминият кертемнәре белән идарә итү дә салым хезмәтенә күчерелә.