Татарстан авыл хуҗалыгы һәм азык-төлек министрлыгының 27 гыйнварга биргән оператив мәгълүматларында бу көнгә Саба районы хуҗалыклары көнлек тулай савымының 197 тоннага җитүе турында хәбәр ителә. Узган елга карата 120 процент тәшкил итә, ягъни былтыргыдан 33,2 тоннага күбрәк.
Быелның ай башыннан исәпләсәк тә, 13 тоннага артык. Хәзерге көндә район буенча савым сыерларның продуктлылыгы 23,3 килограмм тәшкиил итә. Республикада көнлек тулай савымны 200 тонна чигеннән уздыручылар әлегә өчәү – Әтнә, Кукмара һәм Балтач районнары. Саба районы хуҗалыкларын да әлеге күрсәткечкә ирешү булган резервлар эшкә җигү турында хисап җыелышларында сөйләнә
Фото: Салават Камалетдинов
Нет комментариев