Аварияләр күп теркәлү сәбәпле, ЮХИДИ идарәсе Казан юлларында эшне көчәйтә

Әйтик, узган ике айда гына да Татарстан башкаласында 189 юл-транспорт һәлакәте булган, аларда 5 кешенең гомере өзелгән, 231е зыян күргән.

ЮХИДИ идарәсе автомобильләр бәрелешү, җәяүлеләрне таптату һәм каршылыкка бәрелү, шулай ук җәяүлеләрнең юл хәрәкәте кагыйдәләрен бозуын төп аварияләр рәтенә кертә.

Казанда юл һәлакәтләре санын киметү өчен кисәтү чаралары үткәреләчәк. Полиция хезмәткәрләре шәһәр юлларында постларны көчәйтергә, шулай ук юл хәрәкәте кагыйдәләрен бозучыларны ачыклау буенча рейдлар уздырырга җыена.

Бу хакта тулырак: https://tatar-inform.tatar/news/avariyalar-kup-terkalu-sabaple-yuxidi-idarase-kazan-yullarynda-esne-kocaita-5867888