“Без “Бәләкәч” иленнән”: нәни артистлардан бәйрәм концерты [+фото]

автор, 4 март 2023 - 10:00

572

Саба “Бәләкәч” балалар бакчасы коллективы, мәдәният йортында, “Без “Бәләкәч” иленнән” дип исемләнгән концерт тәкъдим итте.

❮ ❯

“Без “Бәләкәч” иленнән”: нәни артистлардан бәйрәм концерты [+фото]

Саба “Бәләкәч” балалар бакчасы коллективы, мәдәният йортында, “Без “Бәләкәч” иленнән” дип исемләнгән концерт тәкъдим итте. Ватанны саклаучылар һәм халыкара хатын-кызлар көннәре уңаеннан әзерләнгән әлеге ямьле бәйрәмнең тамашачылары бакчаның уртанчылар, зурлар һәм мәктәпкә әзерлек төркемнәренә йөрүче балаларның әти-әниләре иде. Алар һәркайсы ул-кызларының осталыгына сөенеп, горурланып, шул ук вакытта әлеге сабыйларның сәләтен күреп, сәхнә тотарлык дәрәҗәдә үстерә белгән педагоглар эшчәнлегенә сокланып та утыргандыр. Ә нәни артистлар тыпырдатып биеделәр дә, чатнатып шигырь дә сөйләделәр, җиренә җиткереп җыр да суздылар. Күзләр генә тимәсен!

Балалар чыгышы бакча хезмәткәрләре һәм әти-әниләрнең җыр-биюләре белән аралашып барды."Бу чара быел җиденче тапкыр үтә.Бүгенге бәйрәмдә 125 бала һәм бакчабызның 50 гә якын хезмәткәре катнаша", - диде бакча мөдире Г.Ахунова һәм бәйрәмнәр белән тәбрикләп матур теләкләрен җиткерде.

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен