«Безгә бирсәң бер күкәй, тавыгың салыр йөз күкәй!»
Бүген районыбыз авылларында йомырка җыю йоласы үтте
Совет чорында 1 май бәйрәмендә шарлар, транспорантлар тотып парадка чыккан булсак, хәзер бала-чага иртә баштан пакет-сумка тотып урам буйлап күчтәнәч җыярга чыгып китә. Йорт хуҗалары иртә белән үк йомыркаларны буяп, тәм-томнарын пешереп куя. Балалар исә өйдән өйгә кереп йомырка, күчтәнәч җыя башлый. Күчтәнәч пакетына йомырка гына түгел, шоколад-печеньесы да,кәнфите дә салына.
Бүген район мәдәният йорты хезмәткәрләре әлеге йоланы Сабаның Җиңүгә-55 ел, Әбрар Кәримуллин, Иван Башкиров урамнарында оештырдылар. Ул чын бәйрәм төсен алды. Урамнарны гармун тавышы яңгыратты, бала чыр-чуы тагын да күңеллелек өстәде.
Следите за самым важным и интересным в Telegram-каналеТатмедиа
Нет комментариев