Бюджет акчалары максатчан тотыламы?

  Беренче   көн тәртибе буенча “Муниципаль бюджет учреждениеләрендә бюджет акчаларының максатчан тотылышына  һәм  рациональ сарыф ителүенә  эчке  финанс  контроле кы­са­ларында үткәрелгән чаралар турында” финанс-бюджет палатасы баш белгече Илгизәр Гатауллин сөйләде.

Финансларга   контрольлек  ел саен яңартып төзелгән  план нигезендә башкарыла. 2022  елда муниципаль  ихтыяҗларны  ка­нә­гатьләндерү  өчен  товарлар  сату, эшләр башкару һәм  хезмәт күрсәтүләр өлкәсенә   контроль итү вә­ка­ләтләре кы­са­ла­рында 8 тикшерү үт­кә­релгән. Шулай ук мәктәпкәчә  яшьтәгеләр һәм гомуми белем бирү учреждениеләрендә, “Туган якны өйрәнү музеенда “Рамазан”, “Саба ”Мелиорация ”ПМК” җәмгыятьләрендә, Шек­ше,  Килдебәк, Сатыш  авыл  җирлекләрендә 2020,2021,2022 елларда  тө­зелгән  муниципаль  контрактлар тикшерелгән. Бюджеттан бүленгән  акчаларны   максатчан  файдаланмау, “Муниципаль  ихтыяҗларны  тәэмин итү  өчен  товарлар  сату, эшләр башкару һәм  хезмәт күрсәтүләр өлкә­сенә контракт  системасы турында”гы  Федераль законны бозу фактлары  ачыкланмаган.

Район башлыгы үз  чыгышында финанс контролен төзелгән контракт суммасын һәм  аның үтәлешен  саннарда күрсәтүгә генә кайтарып  калдырмаска, ришвәтчелек күренешләре булырга мөм­кин барлык юнәлешләр буенча тикшерүләр даими үт­кә­релергә тиешлегенә басым  ясады һәм бу  мәсьәләгә әйләнеп  кайту  зарурлыгын искәртте.