Шәмәрдәннең Луговая урамында авыл территорияләрен үстерү программасы кысаларында 2026 елга кадәр 25 торак йорт сафка басачак.
Шәмәрдәндә авыл территорияләрен комплекслы үстерү программасы буенча Луговая урамында яңа микрорайон төзелә. Белгечләр, күп балалы гаиләләр һәм бюджет өлкәсе хезмәткәрләре өчен 25 индивидуаль торак йорт сафка басачак. Йортлар 2026 ел ахырына кадәр тапшырылыр дип көтелә.
Төзелә торган йортларга инде хәзер үк керү мөмкинлеген тәэмин итү өчен вакытлыча юл төзү турында карар кабул ителде. Керү юлы язын һәм көзен үтеп булмый торган хәлгә килә, бу төзүчеләргә дә, киләчәк йорт хуҗаларына да комачау итә. Вакытлыча юлны быел салачаклар — ул төзелеш төгәлләнгәнчегә кадәр хәрәкәт итәргә мөмкинлек бирәчәк, ә 2027 елда монда асфальт түшәләчәк, дип көтелә. Эшләр график буенча бара: барлык йортларның нигезләре әзер, хәзерге вакытта диварлар салу, түбә монтажлау һәм бизәү эшләре бара.
Нет комментариев