Фигуралы шуу осталары көч сынашты

Конькида фигуралы шуу - иң матур спорт төрләренең берсе. Спортчыларның грациоз чыгышлары, күңелгә рәхәт музыка  шул мохиткә бөтереп  алып кереп китә, бозда  төрле бию хәрәкәтләре ясаучылардан  күзләрне алып булмый.  Ул көнне дә бозда шуучылар осталыклары белән таң калдырдылар.  Саба муниципаль районы СШ «Олимп»та  тәрбияләнүчеләр гадәттәгечә  бик яхшы әзерлек күрсәттеләр һәм призлы урыннар алдылар.   Бүләкләү тантанасында МБУ СШ Олимп, МБУ Спорт комплексы директоры Рифат Хисамов   катнашты. Нәтиҗәләр түбәндәгечә: Амелия Даминова 2 яшүсмерләр разряды 2014 елгы һәм аннан кечерәк кызлар арасында 3 урынны алды, Самир Галимов 2 яшүсмерләр разряды - малайлар 1 урын , Альяна Хәсәнова 3 яшүсмерләр разряды - 2015 елгы кызлар  -2 урын , Әминә Хафизова 3 яшүсмерләр разряды-2014 елгы һәм аннан өлкәнрәк кызлар - 2 урын , Карина Ракипова 2 спорт разряды-кызлар -3 урын, беренче адымнар- 2018 елгы кызлар -Нәргизә Хаҗиәхмәтова -  3 урын. (тренерлары Романова Анна Владимировна һәм Гатиятуллина Мария Альбертовна)