Иштуган авыл мәдәният йортында «Халык традицияләрен саклыйк» фольклор сәгате үтте

автор, 2 февраль 2022 - 12:07

823

28 гыйнвар көнне Иштуган авыл мәдәният йорты белгечләре «Халык традицияләрен саклыйк» дип исемләнгән фольклор сәгать үткәрделәр. Фольклор – халык зирәклеге хәзинәсе. Һәр халыкның үз үзенчәлекләре бар, алар мәдәнияттә дә ачык чагыла. Борынгы бәйрәмнәр, йолалар, кичәләр, уеннар һәм башка фольклор буыннан-буынга күчүче кыйммәтле хәзинә.

Чара башында «Умырзая» татар фольклор коллективы “Орчык өмәсе” йоласын күрсәтте. Балалар үткәннәргә кайттылар һәм бәйрәмнәргә кешеләрнең ничек киенүен, борынгы өйләрнең бизәлешен, нинди җырлар җырлауларын, ничек биюләрен белделәр. Чыгышлардан соң катнашучылар төркемнәргә бүленде. Сәнгать җитәкчеләре түбәтәйне бизәкләр белән бизәү һәм курчаклар ясау буенча мастер-класслар күрсәттеләр. Вәсимә Әхмәдуллина балаларга әбиләребезнең йонны ничек эрләвен күрсәтте, балалар йон эрләп карадылар. Соңыннан чарада катнашучылар милли костюмнарны киеп , тематик фотозонада фотога төштеләр.