Хисамиевлар “Татар гаиләсе/үрнәк алыгыз” бәйгесендә җиңде

Татарстан Республикасы  Милли китапханәсенең  концертлар  залында Татарстан Республикасы Президенты каршындагы Татар телен саклау һәм үстерү мәсьәләләре комиссиясе һәм «Сөембикә» журналының уртак проекты булган  “Татар гаиләсе / үрнәк алыгыз» конкурсы җиңүчеләрен  бүләкләделәр. Конкурс  шартлары  буенча үрнәк  гаиләләр турында   язма  журналда басылып  чыгарга  тиеш    иде. Хисамиевлар турында “Ярларны тоташтырган    күпер”  исемле  мәкалә ( авторы  Алсу  Шакирова) журналның  август  санында   дөнья    күрде. Җиңүче гаилә гаиләгә  Диплом  һәм  акчалата  бүләкне Татар телен саклау һәм үстерү мәсьәләләре комиссиясе рәисе Марат Әхмәтов тапшырды.  Ел дәвамында барган бәйгедә  38 гаилә катнашкан, 11 гаилә җиңүче дип табылган.  

Салават Камалетдинов  фотосы.