Нәрсә ул скрапбукинг: Саба гимназиясендә мастер-класс үтте [+фото]

 Саба район китапханәсе, балалар китапханәсе белән берлектә, Саба гимназиясендә 6а сыйныф укучылары өчен "Открытка скрапбукинг" техникасында гашыйклар көненә багышланган мастер-класс үткәрде. Чара башында баш китапханәче Миңнуллина Р.Р. укучыларга скрапбукингның нәрсә икәнлеген һәм инде XVIII гасырда аристократ гаиләләрендә булган ханымнарның махсус кәгазьдән альбомнар ясаулары турында сөйләде. Укучылар да «скрапбукинг» стилендә открытка ясадылар. Нәтиҗәдә кул эшләре бик матур килеп чыкты.