Районыбызда яңа өйләр нуры: 65 йортлы 4 торак комплексы 2026 елга кадәр сафка басачак

Хәзерге вакытта районда 65 индивидуаль торак йортны үз эченә алган дүрт торак комплексы төзелеше алып барыла:

 40 йорт — Байлар Сабасында; 

 25 йорт — Шәмәрдән авылында.

Объектларның агымдагы статусы:

•  Барлык йортларда да нигезләрне ясау тәмамланган.
•  Актив рәвештә төзелеш-монтаж эшләре алып барыла: диварлар һәм бүлгечләр күтәрү, түбә һәм кат араларын монтажлау.
•  Тәрәзәләр һәм тышкы ишекләр урнаштырыла, инженер челтәрләр сузыла.
•  Эчке эшләр, штукатурлау, җилләтү системасын һәм отмостканы ясау башкарыла.
•  Параллель рәвештә территорияне төзекләндерү эшләре дә алып барыла.

Төзелеш расланган графикларга туры китереп, тайпылышларсыз алып барыла. Эш барышы инфраструктур үстерү бүлегенең даими контролендә тора. Төзелешне тәмамлау һәм йортларны эксплуатациягә тапшыру 2026 ел ахырына планлаштырылган.