Саба районының «Оникс» мәктәбендә ветеринарлар дүртенче сыйныф укучыларына йорт хайваннарын дөрес тәрбияләү серләрен өйрәтте.
Математика һәм рус теле урынына — иң мөһиме турында: йорт хайваннарына ничек дөрес кайгырту күрсәтергә кирәклеге хакында сөйләшү булды. Балалар янына кунакка җирле ветеринарлар килде.
Дәрестә мәктәп укучылары хайван өчен куркынычсыз мохитне ничек булдырырга, аның тәртибендә нәрсәгә игътибар итәргә һәм табибта даими тикшеренеп тору ни өчен мөһим икәнен белделәр. Дәрес интерактив рәвештә үтте: балалар үзләренең яраткан җан ияләре турында сөйләделәр һәм дистәләгән сорау бирделәр.
Мондый чаралар — балаларда кече яшьтән үк җаваплылык тәрбияләү һәм аларны йорт хайваннары хуҗалары гына түгел, ә тугры дуслар итеп үстерү өчен менә дигән мөмкинлек.
Нет комментариев