Сабаның «Шатлык» балалар бакчасында тәрбияләнүчеләр милли бизәкләр төшерергә өйрәнәләр

  1нче номерлы  “Шатлык” балалар бакчасында балаларда татар милли киемнәренә һәм бизәнү әйберләренә кызыксыну уяту, аларда кечкенәдән туган телне ярату хисләре тәрбияләү,  матур, дөрес, мәгънәле итеп сөйләшә белергә өйрәтү максатыннан “Милли бизәк - халкым  тарихы”  атнасы үткәрелде. Әлеге атна кысаларында рәсем ясау, әвәләү, кисеп ябыштыру шөгыльләре ярдәмендә татар халкының милли киемнәренә матур бизәкләр төшерелде. Балалар калфаклар, алъяпкычларны, түбәтәйләрне, читекләрне бизәделәр.