Шә­мәр­дән авылында лицензиясез ком чыгару факты ачыкланган

Татарстан Экология һәм таби­гать ресурслары министр­лы­гының Төньяк территориаль идарәсе инспекторлары Шә­мәр­дән авылында лицензиясез ком чыгару фактын ачыклаган. Хокук бозу Саба районын мониторинглау барышында билгеле булган. Экологлар җир кишәрлегендә ком чыгару белән шөгыльләнүче махсус техника: Hitachi экскаваторын һәм алты КамАЗ машинасын тотканнар. Гомуми таралган файдалы казылмаларның алынган күләме 60 кубометр тәшкил итә. Инспекторлар әйләнә-тирә мохиткә китерелгән зыянны исәплиләр. Хокук бозуда билгеләнгән гаепле затка карата хокук бозуны бетерү турында кисәтү бирелгән. Хәзерге вакытта территория тиешле санитар-экологик хәлгә китерелгән.

Фото: Фрипик