Шатлыклы мизгелләр көне: Иске Икшермә балалар приютында кунаклар балаларны сөендерде

   Бүген, 8 август көнне, Иске Икшермә авылында урнашкан балалар һәм яшүсмерләр  приютында   чын мәгънәсендә якты һәм шатлыклы вакыйга булды.  «Туган авыл» кунакханә-күңел ачу комплексының даими иганәчеләре һәм  Казан шәһәреннән Р.И. Ногманов  җитәкчелегендәге «Татар квадрат» квадро-төркеме вәкилләре килде.

   Игелекле иганәчебез Шәфыйков Рифкать Зыятдин улы балаларны үз куллары белән чын мичтә пешергән хуш исле, кайнар коймаклар белән сыйлады. Моннан тыш, ул һәр баланың күңеленә хуш килердәй зур «Мишка» уенчыгын — татлы сюрприз алып килгән иде.

  Казаннан килгән «Татар квадрат» егетләре исә көнне гадәти булмаганча, кызыклы итеп дәвам иттеләр. Алар үзләренең куәтле квадроциклларында килеп төшкәч, приют территориясе яшь экстремаллар тавышыннан гөрләп торды. Кунаклар балалар өчен машина йөртү буенча чын мастер-класс оештырды. Һәр балага квадроцикл руле артына утырып карау, ә аннары аларны квалификацияле инструкторлар озатуында махсус трассада йөрү бәхете тиде. Бу мизгелләрдә тәрбияләнүчеләребез үзләрен чын ралли чемпионнарыдай хис иттеләр!

  Мондый игелекле, ихлас һәм юмарт кешеләр булганда, дөнья тагын да ямьлерәк! Приютта тәрбияләнүче һәр сабый бүген чын могҗиза кичерде, елмаю һәм рәхмәт хисләре белән баеды.

   Без «Туган авыл» комплексы җитәкчелегенә, аеруча Шәфыйков Рифкать Зыятдин улына, шулай ук Ногманов Р. И. җитәкчелегендәге «Татар квадрат» командасына чиксез рәхмәтебезне белдерәбез. Сезнең ярдәмегез, игътибарыгыз һәм вакытыгыз өчен зур рәхмәт!

Иганәчеләребезгә ныклы сәламәтлек, эшләрендә зур уңышлар, гаилә бәхете һәм киләчәктә дә чәчәк атуларын телибез. Тагын бер кат рәхмәт сезгә, яхшы күңелле кешеләр! Көтеп калабыз! 

                                                                                                                                                                             «Тургай» балалар приюты администрациясе