Тимершык авыл җирлегендә “Ура, авылга!” проекты кысаларында балалар өчен лагерь үз ишекләрен ачты

    29 июньнән 4 июльгә кадәр  авылыбызда «Алдынгылар хәрәкәте» белән берлектә “Ура, авылга!” лагере эшли башлады. Әлеге проект оченче ел гамәлгә ашырыла.  

    “Ура, авылга!” проекты Татарстан Республикасы Рәисе каршындагы Татар телен һәм Татарстан Республикасында яшәүче халыкларның туган телләрен саклау, үстерү мәсьәләләре комиссиясе инициативасы белән оештырылды. Шәһәрдән авылга, әби-бабасына җәйге каникулга кайткан балалар 6 көн дәвамында авылга хас булган һөнәрләр, кәсепләр, җырлар-биюләр, кул эшләре белән танышып, татар телендә сөйләшеп, авыл тарихы һәм тормышы белән якыннан танышачаклар. Шулай ук милли уеннар, гореф-гадәтләрне өйрәтәчәклэр.

   Беренче көн истәлеге итеп балаларга “Ура, авылга!” дип язылган футболкалар буләк ителде.