"Яшелчәләр белән пешкән тавык"
Бу рецептны берничә ел элек интернетта күргән идем. Төрек ризыгы, төрекчә исеме "Тавык яһниси". Бик еш булмаса да, искә төшкәндә пешергәлим мин аны).
Ингредиентлар
Тавык ите
Помидор 1 шт
Суган 3-4 шт
Сарымсак 3 тырнак
Томат пастасы 1 аш кашыгы
Тирән табада итне яхшылап кыздырабыз. Суган, помидор, сарымсакны вак итеп турыйбыз. Ит янына суган, сарымсак салып, суган алтынсу төскә кергәнче кыздырабыз. Томат пастасына 1 стакан су салып болгатабыз. Кызган ит белән суганга помидор, суда болгаткан томат пастасы, 0,5 стакан су, тәменчә тоз, борыч салып болгатабыз, капкач каплап 40-50 минут уртача утта пешерәбез.
Гарнирга дөге, карабодай яки бәрәңге пешерергә була.
Фото: скриншот инстаграм
Следите за самым важным и интересным в Telegram-каналеТатмедиа
Нет комментариев