Саба районында 2026 елның 3 кварталына терлекчелек эшенә һәм үсемчелеккә йомгак ясадылар

19 октябрьдә КФХ «Мөхәммәтшин З. З.» крестьян-фермер хуҗалыгы базасында район башлыгы Рәис Миңнеханов һәм авыл хуҗалыгы һәм азык-төлек идарәсе башлыгы Гафур Хәсәншин җитәкчелегендә 2026 елның 3 кварталында терлекчелек эшенә һәм үсемчелеккә йомгаклар ясау буенча семинар-киңәшмә узды. Чарада Саба районының авыл хуҗалыгы һәм азык-төлек идарәсе белгечләре, районның авыл хуҗалыгы оешмалары һәм ветеринария хезмәте җитәкчеләре һәм белгечләре катнашты. Семинар барышында катнашучылар 200 башка исәпләнгән яңа сыер торагы белән таныштылар һәм модульле киптерү комплексын карадылар.