Иртәгә Татарстанда 29 градуска кадәр җылы булачак

Иртәгә республикада алмашынучан болытлы һава һәм 29 градуска кадәр җылы булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Төнлә явым-төшем көтелми. Көндез урыны белән кыска вакытлы яшенле яңгыр булуы ихтимал. Төньяк-көнбатыштан искән җилнең тизлеге секундына 15 – 20 метрга кадәр булачак.

Республикада төнлә һава температурасы +12..+17 градус, көндез - +24..+29 градус булыр дип фаразлана.

Казанда төнлә алмашынучан болытлы һава булачак, явым-төшем көтелми. Төньяк-көнбатыштан салмак җил исәчәк. Һава температурасы +15..+17 градус булыр дип көтелә.

Иртәгә көндез Казанда алмашынучан болытлы һава, явым-төшем көтелми. Һава температурасы +26..+28 градус булачак.

Фото: Ильнар Тухбатов

https://tatar-inform.tatar