Кайчан җылытачак?

Якшәмбе көнне ява баш­лаган кар чәршәмбе генә туктаячак, дип фаразлаганнар. Татарстанда төн­лә урыны белән ике градус­ка кадәр салкын вәгъдә ит­кәннәр. Явым-төшемнәр атнаның икенче яртысында да көтелә. “Гидромет­центр”­­дан алынган мәгъ­лү­матларга караганда, республикада яңгыр явачак. Синоптиклар алдагы өч көн­гә генә фараз бирә. Әй­түлә­ре­нә караганда, республикада 8 градуска кадәр җы­лытырга мөмкин. Татарстан ЮХИДИ идарәсе исә рульдә йөрүчеләрне юлларда сак булырга өнди. “Һава температурасы уртача 5–7 градус тәшкил итеп, мондый һава торышы бер атна сакланган очракта гына, кышкы тә­гәрмәчне җәй­гесенә алмаштырырга ярый”, – дип искәртә бел­гечләр.

 
Балтачның Яңгул авылында яшәүче халык синоптигы Әмир Шәрәфиев әй­түенчә, безгә сыерчык бураны килгән. “Ул иртәрәк булырга тиеш иде. Быел яз соңарып килү аркасында, сыерчык бураны да ике атнага соңрак күзәтелә. Хә­тер­ләсәгез, былтыр фев­ральдә үк җылытты. Быел исә кар апрель башында гына эри башлады. Гамәл­дәге яз 1976 елда кү­зә­тел­гән һава торышына охшаган ши­келле. Ул елны җәй көне урып-җыю вакытында яң­гырлар яуды, дөрес, кү­бе­сенчә төнлә, бу исә эшкә бераз комачау итте. Быел яздан җәйгә тиз­рәк күчә­чәкбез. Күзәтүләргә караганда, майның беренче яртысында җылы булачак. Икенче яртысында исә салкынча һава торышы кө­телә. Чын җәй июнь уртасында башланачак. Бу – был­тыргыга караганда ир­тәрәк. Узган ел июльдә генә җы­лытты. Быел яшел­чә, төшле җиләк-җимеш уңа­­чак”, – ди Әмир Шәрә­фиев.

Фото: http://tatar-inform.tatar

http://www.vatantat.ru