Сабада аномаль салкын һава торышы саклана

Бүген Сабада алмашынучан болытлы һава, температура көндез -22-20, төнлә белән -23-20 градус, аз гына кар явачак, җил тизлеге көньяк-көнбатыштан, 2,7 м/с тизлектә.

4-9 гыйнвар көннәрендә аномаль салкыннар аркасында Татарстанда шторм кисәтүе гамәлдә. Төбәктә гыйнвар ае гадәттәгедән карлырак булырга тиеш. Елның беренче ае нормадан сигез градус салкынрак булачак.

Шул ук вакытта, гомумән алганда, 2024 ел бик җылы булачак. Бу хакта Казан федераль университетының Экология һәм табигатьтән файдалану институты профессоры Юрий Переведенцев сөйләде.

Тулырак: https://tatar-inform.tatar/news/tatarstanda-az-gyna-kar-ham-anomal-salkyn-hava-torysy-kotela-5881437