Саба таңнары
  • Тат Рус Лат
  • Бөгелмәдә машина белән поезд бәрелешү нәтиҗәсендә алты яшьлек кыз һәлак булган

    Машина йөртүче хатын-кыз тимер юл кичүендә светофорның тыелган сигналына чыккан.

    Бөгелмә районында тимер юл кичүенә чыккан җиңел машинаны тепловоз бәрдергән. Бу хакта республиканың Дәүләт автомобиль инспекциясендә хәбәр иттеләр.

    “Кичә көндез Акбаш-Аккүл юлының 4 нче чакрымында 12 модельле “Лада” автомобилен йөртүче 34 яшьлек хатын-кыз тимер юл кичүендә светофорның кызыл утына чыккан. Шул мизгелдә машинаны поезд бәрдергән”, - диделәр Дәүләт автомобиль инспекциясендә.

    Авария нәтиҗәсендә, йөртүче хатын-кызны һәм алты яшьлек кызны хастаханәгә алып киткәннәр.

    Бөгелмә район үзәк хастаханәсендә хәбәр итүләренчә, алган яраларыннан кыз бүген иртән вафат булган.

    Фото: pixabay.com

    tatar-inform.tatar

    Нравится
    Поделиться:
    Реклама
    Комментарии (0)
    Осталось символов: