Чаллыда этләр кешеләргә ташланган (ФОТОЛАР)

16 июль көнне 21.50 сәгатьтә Гадәттән тыш хәлләр министрлыгына ашыгыч медицина ярдәме сорап хәбәр килә.

Фельдшер сөйләве буенча, шәһәрнең 22/15 йорты янында котырган этләр өере аркасында, алар тешләнгән кешеләргә ярдәм күрсәтә алмый. Коткаручылар янгын сүндерүче киемен киеп, көчле сирена тавышы кулланып һәм таяклар белән этләрне куып җибәрә алганнар. Шуннан соң гына табиблар әлеге этләр тарафыннан зыян күрүчеләр янына килеп, аларга тиешле медицина ярдәме күрсәтә алган.

Ачыкланганча, 44 яшьлек чаллылы үзенең этен урамга алып чыккан булган, шулвакыт аларга бер өер сукбай этләр ташланган. Аларга каршы көршеп, тагын өч кеше зыян күргән, шул исәптән 55 яшьлек хатын-кыз, ул җитди яралар алган.

Фото: ГУ МЧС по РТ.

http://maydan.tatar