Саба таңнары
  • Тат Рус Лат
  • Чаллыда янгын чыккан фатирдан туксан яшьлек инвалид ир-атны алып чыкканнар

    Беренче мәгълүматлар буенча янгын ут белән сак итмәү аркасында чыккан.

    Чаллыда янгын сүндерүчеләр фатирдан 90 яшьлек инвалид ир-атны алып чыккан. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

    «Кичә төн уртасында ашыгыч хезмәтләрнең 112 бердәм номерына Шамил Усманов урамындагы 9 йортта фатир януы, анда 90 яшьлек инвалид ир-ат булуы турында хәбәр килде», - дип сөйләделәр министрлыкта.

    Янгын сүндерүчеләр 5 минут булганчы һәлакәт урынына килеп җиткән. 56нчы янгын сүндерү-коткару часте хезмәткәрләре ир-атны йокы бүлмәсендәге караватта тапкан. Ир-атны коткару битлеге кидереп, урамга алып чыкканнар һәм ашыгыч ярдәм табибларына тапшырганнар.

    Янгын 3 кв.метр мәйданга зыян китергән. Беренчел мәгълүматлар буенча янгын ут белән сак итмәү аркасында чыккан.

    Фото: ГУ МЧС России по РТ

    tatar-inform.tatar

     

    Нравится
    Поделиться:
    Реклама
    Комментарии (0)
    Осталось символов: