Саба таңнары
  • Тат Рус Лат
  • Казанда бер әбидән азык-төлек салынган кул арбасын талап алган кешене тоткарлаганнар

    Видеокүзәтү камераларыннан күренгәнчә, билгесез кеше карчыкны асфальтка бәреп ега, аннан азык-төлек салынган сумка-арбасын алып кача.

    Казанда бер әбидән азык-төлек салынган кул арбасын тартып алган ир-атны тоткарлаганнар. Бу хакта «Татар-информ»га Россия Эчке эшләр министрлыгының Казан идарәсе матбугат хезмәтендә хәбәр иттеләр.

    Күзәтү камералары видеосы социаль челтәрләрдә чыкты. Аннан күренгәнчә, билгесез егет күп катлы йорт подъезды янында өлкән яшьтәге хатын-кызны этеп ега, аннан азык-төлек салынган кул арбасын талап ала һәм кача.

    Россия Эчке эшләр министрлыгының Казан идарәсе матбугат хезмәтеннән хәбәр итүләренчә, бу хәл 4 апрельдә иртәнге җиде-сигез сәгать тирәсендә булган. Кибеттән кайтып баручы 80 яшьлек әбигә Фәйзи урамындагы 7нче йорт янында ир-ат һөҗүм итә. Җинаятьче карчыкны этеп ега да азык-төлекне алып кача. Азык–төлек салынган сумкада тагын 5 600 сум акча да булган.

    Һөҗүм итүчене иртәнге 9.50 сәгатьтә үк патруль экипажы һәм участок полицейские тоткарлый. Ул элек хөкем ителгән 32 яшьлек ир-ат булып чыга. «Талау» маддәсе буенча җинаять эше кузгатылган.

    Фото: Скриншот с видео.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: