Лениногорскида янган йорттан төтен белән агуланган егетне коткарганнар

автор, 2 декабрь 2019 - 08:41

850

Янгын Богдан Хмельницкий урамындагы шәхси йортта 39 квадрат метр мәйданны биләп алган.

Лениногорскида янган йорттан төтен белән агуланган егетне коткарганнар. Бу хакта Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

Кичә кич Гадәттән тыш хәлләр министрлыгына Богдан Хмельницкий урамында шәхси кирпеч йорт януы турында хәбәр килгән.

Янгын бинага янкорма итеп эшләнгән коридорны, келәтне, веранданы һәм мунчаның түшәмен каплап алган.

Янгын сүндерүчеләр 20 минут эчендә 39 квадрат метр мәйдандагы янгынны сүндергән.

Коткаручылар 20 яшьлек егетне ут эченнән алып чыккан. Егетнең сулыш юллары пешкән, төтен белән агуланган. Аны табибларга тапшырганнар. Ул хастаханәгә барудан баш тарткан.

Фото: ГУ МЧС России по РТ

Чыганак: tatar-inform.tatar

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен