Саба таңнары

Пермь университетында сигез кешене атып үтерүче егет юрфакта укыган

Тимур Бекмансуров «Криминалистик экспертизалар» профиле буенча белем ала, ул «суд эксперты» булырга җыена.

Бүген Пермь дәүләт илкүләм тикшеренү университетында бер егет сигез кешене атып үтерде, тагын 24 кешене яралады. Җинаятьче үзе дә биредә үк — юридик факультетта укыган. Бу турыда РЕН ТВ хәбәр итте.

Атучы егет — 18 яшьлек Тимур Бекмансуров «Криминалистик экспертизалар» профиле буенча белем ала, ул «суд эксперты» булырга җыена.

Атыш 20 сентябрьдә иртүк була. Сигез кеше урында ук үлә, 24 кеше зыян күрә. Атучы тоткарланды. Тоткарлаган чакта ул каршылык күрсәткән, аны яралаганнар. Җинаять эше ачылды, диелә хәбәрдә.

Университетта атыш башлангач, студентлар һәм укытучыларның бер өлеше бинадан чыгып китә, башкалары аудиторияләргә кереп бикләнә, тәрәзәләрдән чыгалар. Кешеләргә һәм тәрәзәләргә атучы ешет төшерелгән кадрлар социаль челтәрләрдә таралды.

Фото: социаль челтәрләр

Чыганак: intertat.tatar

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: